တၢ်မၤဂ့ၤဒိၣ်ထီၣ် NDIS
ပမၤဂ့ၤထီၣ်ကျဲလၢပဟ့ၣ်ထီၣ် NDIS န့ၣ်လီၤ.
တၢ်ဆီတလဲတနီၤအိၣ်ထီၣ်၀ဲလၢ-
- ကျဲလၢနပတံထီၣ် NDIS န့ၣ်လီၤ.
- ပကဒုးကဲထီၣ်နတၢ်ရဲၣ်ကျဲၤဒ်လဲၣ်
- ကျဲလၢပဆီတလဲနတၢ်ရဲၣ်ကျဲၤန့ၣ်လီၤ.
- တၢ်မၤနီၣ်မၤဃါပှၤဟ့ၣ်ထီၣ်တၢ်မၤစၢၤလၢနတၢ်ရဲၣ်တၢ်ကျဲၤအပူၤန့ၣ်လီၤ.
ပတဆီတလဲတၢ်ဘျၢမ့တမ့ၢ်ကျဲလၢ NDIS မၤတၢ်ဒ်လဲၣ်အဂီၢ်ဘၣ်လီၤ.
ဘၣ်ဃးဒီးပမၤတၢ်ဆၢတဲၥ်တဖၣ်ဒ်လဲၣ်ဒီးလၢ NDIS အဖီလၥ်
တၢ်လၢပဟ့ၣ်ကျိၣ်စ့တၢ်ဆီၣ်ထွဲသ့မ့ၢ်မနုၤလဲၣ်တဖၣ်အဖီခိၣ်န့ၣ်တၢ်ဆီတလဲတအိၣ်နီတမံၤဘၣ်.
လၢတၢ်ကမၤစၢၤပှၤလၢပကဟ့ၣ်ထီၣ်ဘၣ်တၢ်ဟ့ၣ်မၤစၢၤလၢအဂ့ၤဒိၣ်ထီၣ်လၢပှၤနုၥ်ပၣ်ဃုၥ်တနံၤအံၤဒီးဆူညါအဂီၢ်, ပတ့ထီၣ်ခီၣ်ဖၠူ ထၢၣ်အကျိၤအကျဲအသီဒီးမၤဂ့ၤထီၣ်ပတၢ်မၤအကျိၤအကျဲန့ၣ်လီၤ.ပစးထီၣ်ဆှၢနုၥ်ပခီၣ်ဖၠူထၢၣ်အကျိၤအကျဲအသီဒီးတၢ်မၤဂ့ၤထီၣ်အကျဲလၢအီးစထြ့လယါခဲလၢၥ်အပူၤလီၤ.
ကတီၢ်အံၤတၢ်လၢပှၤပတံထီၣ်တၢ်ဖိ, ပှၤနုၥ်ပၣ်ဃုၥ်မ့တမ့ၢ်ပှၤ လၢအဆီၣ်ထွဲအီၤတဖၣ်ကလိၣ်မၤ၀ဲန့ၣ်တအိၣ်နီတမံၤဘၣ်. ဖဲနမ့ၢ်တုၤထီၣ်လၢခံတပတီၢ်လၢ န NDIS တၢ်ရဲၣ်ကျဲၤတၢ်လဲၤကျဲ အပူၤန့ၣ်, ပကမၤဃုၥ်တၢ်ဒီးနၤလၢကမၤလီၤတံၢ်၀ဲနဒိးန့ၢ်တၢ်ဆီၣ် ထွဲဒီးတၢ်ဂ့ၢ်တၢ်ကျိၤလၢနလိၣ်ဘၣ်န့ၣ်လီၤ.
ဖဲပမၤဃုၥ်တၢ်တပူၤဃီဒီးနၤတဘျီလၢ်လၢ်, ပကတဲဘၣ်နၤဒီး ခီၣ်ဖၠူ ထၢၣ်အကျိၤအကျဲဖဲလဲၣ်တခါလၢနတၢ်ရဲၣ်ကျဲၤအိၣ်လၢအပူၤလဲၣ်န့ၣ်လီၤ. တၢ်အံၤမ့ၢ်ဒ်သိးနကသ့ၣ်ညါလီၤတံၢ်တၢ်လၢနကွၢ်လၢ်အီၤသ့မ့ၢ်မနုၤလဲၣ်ဒီးနီၤဟ့ၣ်လီၤတၢ်ဂ့ၢ်တၢ်ကျိၤတခါအံၤဃုၥ်ဒီးပှၤလၢအကါဒိၣ်လၢနဂီၢ်,အဒိဒ်အမ့ၢ်ပှၤဆီၣ်ထွဲနၤမ့တမ့ၢ်ပှၤဟ့ၣ်ထီၣ်တၢ်မၤစၢၤကရၢတဖၣ်န့ၣ်လီၤ.
နဖးအါထီၣ်ဘၣ်ဃးပတၢ်မၤဂ့ၤထီၣ်တၢ်တဖၣ်လၢပပှၥ်ယဲၤအဖီခိၣ် န့ၣ်သ့လီၤ.
တၢ်မၤဘၣ်ဘျးလိၥ်သးတဖၣ်
NDIS ဆီၣ်ထွဲပှၤလၢအိၣ်ဒီးသးနီၢ်ခိက့ၢ်ဂီၤတလၢပှဲၤတဆူၣ် တချ့တဖၣ်, ဖဲအတမ့ၢ်ဒၣ်လဲၥ် NDIS ကရၢဖိဘၣ်အခါန့ၣ်လီၤ.
နသးန့ၣ်မ့မ့ၢ် ၉ ဒီး ၆၄နံၣ်န့ၣ်, ပဘျးစဲန့ၢ်နၤဒီးတၢ်မၤစၢၤကရၢတဖၣ်ဒီးတၢ်ဆီၣ်ထွဲလၢနပှၤတ၀ၢအပူၤတဖၣ်သ့၀ဲန့ၣ်လီၤ. ပကိးတၢ်အံၤဒ်ပှၤတ၀ၢအတၢ်ဘျးစဲတဖၣ်န့ၣ်လီၤ.
နမ့ၢ်လိၣ်ဘၣ်တၢ်ဆီၣ်ထွဲလၢဖိသၣ်လၢအသးစၢ်န့ၢ်၉ နံၣ်န့ၣ်, ပဟ့ၣ်ထီၣ်နၤတၢ်ဘျးစဲလၢအဆိ တဖၣ်သ့၀ဲလီၤ. နမ့မ့ၢ် ၆၅ နံၣ်မ့တမ့ၢ်အါန့ၢ်အန့ၣ်န့ၣ်, ပဟ့ၣ်ထီၣ်နၤတၢ်ဂ့ၢ်တၢ်ကျိၤလၢတၢ်ကွၢ်ထွဲသးပှၢ်တၢ်မၤစၢၤကရၢတဖၣ်လၢအကဆီၣ်ထွဲနၤန့ၣ်သ့၀ဲလီၤ.
လၢတၢ်ကမၤန့ၢ်ပှၤတ၀ၢအတၢ်ဘျးစဲတဖၣ်မ့တမ့ၢ်တၢ်ဒုးဘျးစဲလၢအဆိတဖၣ်အဂီၢ်တၢ်လၢနမၤသ့မ့ၢ်၀ဲ-
- ကတိၤတၢ်ဒီးပှၤတဂၤဂၤဖဲ NDIS အ၀ဲၤဒၢးတက့ၢ်.
- ကိးပှၤဖဲ 1800 800 110 တက့ၢ်.
- ကိးဘၣ် တၢ်ကျိးထံဒီးတၢ်ကတိၤကျိးထံတၢ်မၤစၢၤဖဲ 131 450 ဒီးဃ့ကတိၤတၢ်ဒီး NDIS တက့ၢ်.
လၢတၢ်ဂ့ၢ်အါထီၣ်အဂီၢ်ကွၢ်ဖဲ making connections တက့ၢ်.
ပတံထီၣ် NDIS
ကျဲလၢနပတံထီၣ် NDIS န့ၣ်ကဆီတလဲလီၤ.
နဒိးန့ၢ် NDIS မ့ၢ်သ့န့ၣ်, ပကမၤစၢၤနၤလၢနကပတံထီၣ် NDIS အဂီၢ်န့ၣ်လီၤ.
လၢကပတံထီၣ် NDIS အဂီၢ်, နလိၣ်ဘၣ် ‘my NDIS contact’ န့ၣ်လီၤ. န ‘my NDIS contact’ မ့ၢ်တၢ်ဆဲးကျိးအခိၣ်သ့ၣ်တခါလၢနၤဒီးနဟံၣ်ဖိဃီဖိဖဲ NDIS အပူၤန့ၣ်လီၤ.
အ၀ဲသ့ၣ်က-
- ဟ့ၣ်နၤတၢ်ဂ့ၢ်တၢ်ကျိၤဘၣ်ဃးဒီး NDIS န့ၣ်လီၤ.
- မၤစၢၤနၤလၢနကနၢ်ပၢၢ်တၢ်ဆီၣ်ထွဲမနုၤလၢနဒိးန့ၣ်ဘၣ်အီၤသ့န့ၣ်လီၤ.
- ဆီၣ်ထွဲနၤလၢနကပတံထီၣ် NDIS အဂီၢ်လီၤ.
န my NDIS contact ကမ့ၢ် NDIS တၢ်မၤဃုၥ်သကိးတၢ်မ့တမ့ၢ်ထံကီၢ်အပှၤလၢအိၣ်ဒီးသးနီၢ်ခိက့ၢ်ဂီၤတလၢပှဲၤတဆူၣ်တချ့တၢ်အုၣ်ကီၤကရၢခၢၣ်စး (NDIA) ကရၢခၢၣ်စးတဖုန့ၣ်လီၤ.
NDIS အပှၤမၤဃုၥ်သကိးတၢ်တဖၣ်မ့ၢ်၀ဲ-
- ဖိသၣ်တၢ်ဒိၣ်ထီၣ်သီအပှၤမၤသကိးတၢ်လၢအမၤစၢၤဖိသၣ်လၢအသးနံၣ်စှၤန့ၢ်ဒံး ၉ နံၣ်တဖၣ်န့ၣ်လီၤ.
- လီၢ်က၀ီၤအပူၤတၢ်လီၢ်အပှၤပၢဆှၢရဲၣ်ကျဲၤတၢ်လၢအမၤစၢၤပှၤအိၣ်ဒီးသးနီၢ်ခိက့ၢ်ဂီၤတၢ်တလၢပှဲၤတဆူၣ်တချ့လၢအသးအိၣ် ၉-၆၄ နံၣ်တဖၣ်အဂီၢ်လီၤ.
န my NDIS တၢ်ဆဲးကျိးကဆဲးကျိး ပှၤတဂၤဖဲ NDIA ဖဲ-
- နမ့ၢ်အိၣ်ဖဲအီးစထြ့လယါခိခိၣ်တၢ်လီၢ်တခါအပူၤအခါန့ၣ်လီၤ.
- အိၣ်ဒီးတၢ်လိၣ်လၢအသဘံၣ်ဘုၣ်၀ဲတဖၣ်န့ၣ်လီၤ.
- မ့ၢ်ပှၤသးစၢ်တဂၤလၢအအိၣ်လၢသးပှၢ်တၢ်ကွၢ်ထွဲကဟုကယာ်အလီၢ်အကျဲအပူၤန့ၣ်လီၤ.
- အိၣ်လၢတၢ်ဆါဟံၣ်မ့တမ့ၢ်သဲစးတၢ်ဆီလီၤပာ်လီၤတခါအပူၤန့ၣ်လီၤ.
တုၤနပတံထီၣ်ဆူ NDIS ၀ံၤ၀ဲအလီၢ်ခံ, ပကဆဲးကျိးနၤလၢ ၂၁ သီအတီၢ်ပူၤလၢကပျဲနသ့ၣ်ညါဘၣ်ဃးပတၢ်ဆၢတဲၥ်အဂ့ၢ်န့ၣ်လီၤ. ဘၣ်သ့ၣ်သ့ၣ်ပကဃ့အါထီၣ်နၤဒီးတၢ်ဂ့ၢ်တၢ်ကျိၤန့ၣ်လီၤ.
ဖဲနမ့ၢ်ကြၢးဘၣ်၀ဲဒီးတၢ်ပာ်ပနီၣ်အခါ, နကဲထီၣ် NDIS အပှၤနုၥ်ပၣ်ဃုၥ်ပၣ်ဂီၢ်တၢ်တဂၤန့ၣ်လီၤ. ပကသူတၢ်ဂ့ၢ်တၢ်ကျိၤလၢနနီၤဟ့ၣ်လီၤလၢနလံၥ်ပတံထီၣ်အပူၤလၢကမၤကဲထီၣ် န NDIS အတၢ်ရဲၣ်တၢ်ကျဲၤအဂီၢ်န့ၣ်လီၤ.
ဖဲနမ့ၢ်တကြၢးတဘၣ်ဒီးတၢ်ပာ်ပနီၣ်အခါ, ပကတဲဘၣ်နၤတၢ်ဂ့ၢ်ဘၣ်မနုၤတသ့၀ဲအဂ့ၢ်န့ၣ်လီၤ. န NDIS အပှၤမၤဃုၥ်တၢ်ကမၤစၢၤနၤလၢကဒုးဘျးစဲနၤ ဃုၥ်ဒီးတၢ်ဆီၣ်ထွဲလၢနပှၤတ၀ၢအပူၤတဖၣ်န့ၣ်လီၤ.
လၢတၢ်ကဘျးစဲဒီးတၢ်မၤစၢၤကရၢဒီးတၢ်ဆီၣ်ထွဲလၢနပှၤတ၀ၢအပူၤတဖၣ်အဂီၢ်, မ့တမ့ၢ်လၢတၢ်ကပတံထီၣ် NDIS အဂီၢ်, န-
- ကတိၤတၢ်ဒီးပှၤတဂၤဂၤဖဲ NDIS အ၀ဲၤဒၢးန့ၣ်သ့လီၤ.
- ကိးပှၤဖဲ 1800 800 110 တက့ၢ်.
- ကိးဘၣ် တၢ်ကျိးထံဒီးတၢ်ကတိၤကျိးထံတၢ်မၤစၢၤဖဲ 131 450 ဒီးဃ့ကတိၤတၢ်ဒီး NDIS တက့ၢ်.
လၢတၢ်ဂ့ၢ်အါထီၣ်အဂီၢ်ကွၢ်ဖဲ apply to the NDIS တက့ၢ်.
မၤကဲထီၣ် နတၢ်ရဲၣ်တၢ်ကျဲၤ
တုၤနကဲထီၣ် NDIS အပှၤနုၥ်ပၣ်ဃုၥ်တၢ်တဂၤလံအခါန့ၣ် နကဒိးန့ၢ်ဘၣ် NDIS တၢ်ရဲၣ်တၢ်ကျဲၤတခါန့ၣ်လီၤ.
NDIS တၢ်ရဲၣ်တၢ်ကျဲၤန့ၣ်မ့ၢ်လံၥ်လဲၢ်တၢ်ကွဲးနီၣ်တဘ့ၣ်လၢ အအိၣ်ဒီးတၢ်ဂ့ၢ်တၢ်ကျိၤဘၣ်ဃးဒီး-
- နၤဒီးနတၢ်ပညိၣ်ဖီတၢၣ်တဖၣ်လီၤ.
- တၢ်ဆီၣ်ထွဲလၢနလိၣ်တဖၣ်န့ၣ်လီၤ.
- တၢ်ဆီၣ်ထွဲလၢ NDIS ကဟ့ၣ်န့ၢ်နၤအပှ့ၤမ့ၢ်မနုၤတဖၣ်လဲၣ်န့ၣ်လီၤ.
တၢ်ကကွဲမုၥ်ဃီၤနၤလၢတၢ်ရဲၣ်တၢ်ကျဲၤအတၢ်အိၣ်ဖှိၣ် အပူၤဃုၥ်ဒီးNDIAအပှၤရဲၣ်ကျဲၤတၢ်လၢအဒုးကဲထီၣ်နတၢ်ရဲၣ်ကျဲၤန့ၣ်လီၤ.
NDIA အပှၤရဲၣ်ကျဲၤတၢ်န့ၣ်မ့ၢ်ပှၤတဂၤလၢအ-
- မၤဃုၥ်တၢ်ဒီး NDIA
- ဒုးအိၣ်ထီၣ် NDIS အတၢ်ရဲၣ်တၢ်ကျဲၤအသီတဖၣ်လီၤ.
- ဆီတလဲ NDIS အတၢ်ရဲၣ်တၢ်ကျဲၤတဖၣ်န့ၣ်လီၤ.
- ဒုးအိၣ်ထီၣ်န NDIS တၢ်ရဲၣ်တၢ်ကျဲၤအစ့တိၥ်ကျဲၤန့ၣ်လီၤ.
ဖဲနတၢ်ရဲၣ်တၢ်ကျဲၤအတၢ်အိၣ်ဖှိၣ်အပူၤ, န NDIA အပှၤရဲၣ်ကျဲၤတၢ်တဂၤကကတိၤတၢ်ဒီးနၤဘၣ်ဃးဒီး-
- နစ့တိၥ်ကျဲၤ ဒီးတၢ်ဆီၣ်ထွဲတဖၣ်အဂ့ၢ်လီၤ.
- တၢ်ဆၢတဲၥ်တဖၣ်လၢအ၀ဲသ့ၣ်မၤဘၣ်ဃးနတၢ်ရဲၣ်တၢ်ကျဲၤန့ၣ်လီၤ.
- နကအဲၣ်ဒိးပၢဆှၢနတၢ်ရဲၣ်တၢ်ကျဲၤဒ်လဲၣ်.
- တၢ်မၤနီၣ်မၤဃါပှၤဟ့ၣ်ထီၣ်တၢ်မၤစၢၤလၢနတၢ်ရဲၣ်တၢ်ကျဲၤအပူၤန့ၣ်လီၤ.
- တၢ်ဆီတလဲတမံၤလၢ်လၢ်လၢနဆိမိၣ်တၢ်ကလိၣ်ဆီတလဲအီၤလၢနတၢ်ရဲၤကျဲၤအပူၤန့ၣ်လီၤ.
ပကဆှၢန့ၢ်နၤ NDIS အတၢ်ရဲၣ်ကျဲၤအလံၥ်တကွီၢ်အဒိတဘ့ၣ် န့ၣ်လီၤ. နသူ၀ဲဒၣ် my NDIS ပှၤနုၥ်ပၣ်ဃုၥ်အကျဲစၢၤဒီး my NDIS အအဲး(ပ)လၢကကွၢ်ဃု နတၢ်ရဲၣ်တၢ်ကျဲၤသ့လီၤ.
ဖဲနတၢ်ရဲၣ်တၢ်ကျဲၤမ့ၢ်တအိၣ်လၢပခီၣ်ဖၠူထၢၣ်သနူအသီအပူၤဘၣ်န့ၣ်, နကြၢး၀ဲဒၣ် myplace အပှၤနုၥ်ပၣ်ဃုၥ်အကျဲစၢၤလၢကမၤ ၀ဲတၢ်ဃ့က့ၤတၢ်လၢၥ်ဘူၣ်လၢၥ်စ့ၤဆူညါန့ၣ်လီၤ.
my NDIS တၢ်ဆဲးကျိးမ့ၢ်ပှၤအဂ့ၤကတၢၢ်တဂၤလၢနကကတိၤ တၢ်ဒီးအီၤဖဲနမ့ၢ်-
- မ့ၢ်နတၢ်သံကွၢ်တဖၣ်အိၣ်ဧါ.
- လိၣ်ဘၣ်တၢ်ဆီၣ်ထွဲဖဲနဆဲးကျိးလိၥ်သးဒီး NDIS အခါလီၤ.
နထံၣ်န့ၢ်အ၀ဲသ့ၣ်တၢ်ဆဲးကျိးတဖၣ်အဂ့ၢ်အကျိၤလၢနတၢ်ရဲၣ်တၢ်ကျဲၤအပူၤသ့လီၤ.
ဖဲနမ့ၢ်အိၣ်ဒီးကျိၣ်စ့တၢ်ဆီၣ်ထွဲလၢနတၢ်ရဲၣ်တၢ်ကျဲၤအပူၤလၢတၢ်ဆီၣ်ထွဲအတၢ်ရဲၣ်ကျဲၤပၢဆှၢအဂီၢ်မ့တမ့ၢ်တၢ်ဘျါက့ၤအဂီၢ်တၢ်ဟံးစုနဲၣ်ကျဲအတၢ်မၤစၢၤတဖၣ်အဂီၢ်န့ၣ်, နဒိးန့ၢ်ဘၣ်တၢ်မၤစၢၤလၢတၢ်ကသူနတၢ်ရဲၣ်တၢ်ကျဲၤ လၢ-
- တၢ်ဆီၣ်ထွဲအပှၤပၢဆှၢရဲၣ်ကျဲၤတၢ်တဂၤအအိၣ်-မ့ၢ်ပှၤတဂၤလၢအမၤစၢၤနၤလၢကရဲၣ်ကျဲၤတၢ်ဒီးသူနတၢ်ဆီၣ်ထွဲတဖၣ်အဂီၢ်လီၤ.
- တၢ်ဘျါက့ၤအဂီၢ်ပှၤဟံးစုနဲၣ်ကျဲတၢ်- မ့ၢ်ပှၤတဂၤလၢအဆီၣ်ထွဲနၤဃုၥ်ီဒးနသးတၢ်ဆိကမိၣ်ဆူၣ်ချ့အဂီၢ်လီၤ.
ဖဲနဒိးန့ၢ်ဘၣ်န NDIS တၢ်ရဲၣ်တၢ်ကျဲၤ၀ံၤတစု, န NDISအပှၤဆဲးကျိးတၢ်တဂၤကဟ့ၣ်ထီၣ်နၤတၢ်မၤတၢ်ရဲၣ်တၢ်ကျဲၤအတၢ်အိၣ်ဖှိၣ်လၢကမၤစၢၤနၤလၢကသူတၢ်ရဲၣ်တၢ်ကျဲၤအဂီၢ်လီၤ.
န my NDIS တၢ်ဆဲးကျိးကဆဲးကျိးသံကွၢ်တၢ်ဂ့ၢ်ဒီးနၤ တနံၣ်တဘျီလၢကသံကွၢ်လၢမ့ၢ်နတၢ်ရဲၣ်တၢ်ကျဲၤလဲၤအသးဒ်လဲၣ်အဂီၢ်လီၤ.
လၢတၢ်ဂ့ၢ်တၢ်ကျိၤအါထီၣ်အဂီၢ်ကွၢ်ဘၣ်နၢ်ပၢၢ်နတၢ်ရဲၣ်တၢ်ကျဲၤ ဒီးသူနတၢ်ရဲၣ်တၢ်ကျဲၤ အတၢ်နီၤဖးတဖၣ်လၢပပှာ်ယဲၤဘျးစဲအပူၤတက့ၢ်.
တၢ်ဆီတလဲနတၢ်ရဲၣ်တၢ်ကျဲၤ
တၢ်ဆီတလဲမ့ၢ်အိၣ်ထီၣ်လၢနတၢ်အိၣ်မူအပူၤလၢအခီပညီမ့ၢ်၀ဲနတလိၣ်ဘၣ်လၢၤဘၣ်, လိၣ်ဘၣ်စှၤလီၤမ့တမ့ၢ်တၢ်ဆီၣ်ထွဲလၢအဂၤတဖၣ်အဂီၢ်, နဃ့ထီၣ်လၢတၢ်ကဆီတလဲန့ၢ်နတၢ်ရဲၣ်တၢ်ကျဲၤတဘျီလၢ်လၢ်သ့၀ဲလီၤ.
ကျဲအိၣ်ခံဘိလၢနကဆီတလဲနတၢ်ရဲၣ်တၢ်ကျဲၤအဂီၢ်-တၢ်ရဲၣ်တၢ်ကျဲၤလၢအကလုၥ်လၢအဂၤမ့တမ့ၢ်တၢ်ကွၢ်ကဒါက့ၤတၢ်ရဲၣ်တၢ်ကျဲၤန့ၣ်လီၤ.
တၢ်ရဲၣ်တၢ်ကျဲၤလၢအကလုၥ်လၢအဂၤန့ၣ်မ့ၢ်တၢ်ဆီတလဲတဒိၣ်တဆံးလၢနတၢ်ရဲၣ်တၢ်ကျဲၤတကီၢ်ခါအပူၤန့ၣ်လီၤ. တၢ်ကွၢ်ကဒါက့ၤတၢ်ရဲၣ်တၢ်ကျဲၤန့ၣ်မ့ၢ်ဖဲပဆီတလဲတၢ်ရဲၣ်တၢ်ကျဲၤအသီတခါဒီးနတၢ်ရဲၣ်တၢ်ကျဲၤလီၢ်လံၤန့ၣ်လီၤ.
န my NDIS တၢ်ဆဲးကျိး, တၢ်ဆီၣ်ထွဲအပှၤပၢဆှၢရဲၣ်ကျဲၤတၢ်မ့တမ့ၢ်တၢ်ဘျါက့ၤအဂီၢ်ပှၤဟံးစုနဲၣ်ကျဲတၢ်ရှဲပၠးတၢ်ဂ့ၢ်တၢ်ကျိၤဒီးတၢ်အုၣ်ကီၤလၢပလိၣ်ဘၣ်လၢကဆၢတဲၥ်ဘၣ်ဃးတၢ်ဆီတလဲလၢနတၢ်ရဲၣ်ကျဲၤအပူၤန့ၣ်သ့လီၤ.
လၢတၢ်ဂ့ၢ်တၢ်ကျိၤအါထီၣ်အဂီၢ်ကွၢ်ဖဲ changing your plan တက့ၢ်.
ပှၤလၢအဟ့ၣ်ထီၣ်တၢ်မၤစၢၤလၢယအိၣ်တဖၣ်
န NDIS တၢ်ရဲၣ်တၢ်ကျဲၤအသီတအိၣ်ဒီးတၢ်သ့ၣ်နံၤဖးသီလၢတၢ်မၤစၢၤအဂီၢ်ဘၣ်.
ဖဲနမ့ၢ်အိၣ်ဒီး ကျိၣ်စ့တၢ်ဆီၣ်ထွဲ NDIA ပၢဆှၢ၀ဲဒၣ်န့ၣ်, ပှၤစဲၣ်နီၤလၢသးနီၢ်ခိက့ၢ်ဂီၤတလၢပှဲၤတဆူၣ်တချ့တၢ်တူၢ်လိာ်ဒုးအိၣ်ဒုးဆိး,ဟံၣ်ဒီးတၢ်အိၣ်တၢ်ဆိးအလီၢ်တၢ်ဆီၣ်ထွဲမ့တမ့ၢ်တၢ်သကဲာ်ပ၀းအတၢ်ဆီၣ်ထွဲအဂီၢ်မ့ၢ်အိၣ်လၢနတၢ်ရဲၤကျဲၤအပူၤန့ၣ်, နကလိၣ်တဲဘၣ်ပှၤတၢ်မၤစၢၤကရၢဖဲလဲၣ်တဖုဟ့ၣ်နၤဒီးတၢ်ဆီၣ်ထွဲလဲၣ်မ့ၢ်ဒ်သိးပကသ့မၤနီၣ်မၤဃါအီၤလၢနတၢ်ရဲၣ်ကျဲၤအပူၤကသ့အဂီၢ်လီၤ.
ပကိးပှၤလၢအဟ့ၣ်ထီၣ်တၢ်မၤစၢၤအဖုတဖၣ်လၢနတၢ်ရဲၣ်တၢ်ကျဲၤအပူၤဒ် 'ယပှၤဟ့ၣ်ထီၣ်တၢ်မၤစၢၤကရၢ'န့ၣ်လီၤ.. ပှၤလၢအဟ့ၣ်ထီၣ်တၢ်ရဲၣ်တၢ်ကျဲၤအပူၤကဃ့က့ၤတၢ်လၢၥ်ဘူၣ်လၢၥ်စ့ၤလၢန NDIS အတၢ်ရဲၣ်ကျဲၤအပူၤဖဲအဟ့ၣ်ထီၣ်တၢ်ဆီၣ်ထွဲအခါန့ၣ်လီၤ.
တၢ်မၤနီၣ်မၤဃါနပှၤဟ့ၣ်ထီၣ်တၢ်မၤစၢၤလၢနတၢ်ရဲၣ်တၢ်ကျဲၤအပူၤအခီပညီမ့ၢ်၀ဲပတလိၣ်သံကွၢ်နၤတချုးပဟ့ၣ်အဘူးအလဲအခါဘၣ်န့ၣ်လီၤ.
နမၤသီထီၣ်မ့တမ့ၢ်ဆီတလဲနပှၤဟ့ၣ်ထီၣ်တၢ်မၤစၢၤကရၢတဖၣ်သ့ဖဲတဘျီလၢ်လၢ်န့ၣ်လီၤ.
လၢတၢ်ဂ့ၢ်တၢ်ကျိၤအါထီၣ်အဂီၢ်ဆဲးကျိးဘၣ် my providers တက့ၢ်.
ဆဲးကျိးဘၣ် NDIS
လၢတၢ်ကျိးထံဒီးတၢ်ကတိၤကျိးထံလၢတလၢၥ်ဘူၣ်လၢၥ်စ့ၤဘၣ်အဂီၢ်ကိး လီတဲစိဖဲ 131 450 ဒီးဃ့လၢကကတိၤတၢ်ဒီး NDIS န့ၣ်တက့ၢ်.
န NDIS အတၢ်ဆဲးကျိးရဲၣ်ကျဲၤန့ၢ်နၤပှၤကတိၤကျိးထံတၢ်တဂၤသ့ဖဲအထံၣ်လိၥ်သးဒီးနၤမ့တမ့ၢ်ကတိၤတၢ်ဒီးနၤအခါန့ၣ်လီၤ.
ပှၤလၢအဟ့ၣ်ထီၣ်တၢ်မၤစၢၤတဖုကသ့ရဲၣ်ကျဲၤန့ၢ်နၤပှၤကတိၤကျိးထံတၢ်တဂၤဖဲနထံၣ်လိၥ်မ့တမ့ၢ်ကတိၤတၢ်ဒီးအ၀ဲသ့ၣ်အခါန့ၣ်လီၤ.
နလဲၤအိၣ်သကိးNDIS အ၀ဲၤဒၢးသ့ဒီးသံကွၢ်အ၀ဲသ့ၣ်လၢကကတိၤ တၢ်ဒီးပှၤကျိးထံတဂၤတက့ၢ်. ဃုသ့ၣ်ညါ NDIS အ၀ဲၤဒၢးလၢအအိၣ်ဘူးကတၢၢ်ဒီးနၤတဖျၢၣ်န့ၣ်အိၣ်တၢ်လီၢ်ဖဲ NDIS အပှၥ်ယဲၤ သန့အပူၤတက့ၢ်.
ညီလၢတၢ်ကဖးအီၤအဂီၢ် (Easy Read)
တၢ်ဂ့ၢ်တၢ်ကျိၤဘၣ်ဃးဒီးNDIS န့ၣ်တၢ်ကျိးထံဃာ်အီၤလၢ Easy Read န့ၣ်လီၤ. ပှၤအါဂၤထံၣ်လၢ တၢ်ဂ့ၢ်ခိၣ်တီလၢအအိၣ်လၢ Easy Read အပူၤနၣ်အကဲဘျုး,ပၣ်ဃုၥ်ပှၤလၢအအိၣ်ဒီးတၢ်ဂ့ၢ်ကီလၢအဖးအဲကလံးကျိၥ်အဂီၢ်န့ၣ်လီၤ.
-
တၢ်ဃုထံၣ်သ့ၣ်ညါတၢ်အသီတၢ်ကတိၤအကျိၤတၢ်ဂ့ၢ်ကျၢၢ်တံၢ် (DOCX 1.3MB)
-
တၢ်ဃုထံၣ်သ့ၣ်ညါတၢ်အသီတၢ်ကတိၤအကျိၤတၢ်ဂ့ၢ်ကျၢၢ်တံၢ် (PDF 128KB)
ထုးန့ၢ်တၢ်ဃုသ့ၣ်ညါသံကွၢ်သံဒိးတဖၣ်,တၢ်ကဒူးကဒ့ၣ်တဖၣ်ဒီးတၢ်ဟ့ၣ်ကဒါတၢ်ထံၣ်တၢ်ပာ်သးအဖီလစံၣ်-
- တၢ်ဃုသ့ၣ်ညါသံကွၢ်သံဒိး,တၢ်ကဒူးကဒ့ၣ်ဒီးတၢ်ဟ့ၣ်ကဒါတၢ်ထံၣ်တၢ်ပာ်သးအဖီလစံၣ် (PDF 77KB)
- တၢ်ဃုသ့ၣ်ညါသံကွၢ်သံဒိး,တၢ်ကဒူးကဒ့ၣ်ဒီးတၢ်ဟ့ၣ်ကဒါတၢ်ထံၣ်တၢ်ပာ်သးအဖီလစံၣ် (DOCX 3MB)
လုၢ်လၢ်တၢ်ဆဲးတၢ်လၤဒီးကျိာ်အတၢ်လီၤဆီလိာ်သး
ပမၤကဲထီၣ်ဒီးပာ်ဖှိၣ်ဒုးကဲထီၣ်လုၢ်လၢ်တၢ်ဆဲးတၢ်လၤဒီးကျိာ်တၢ်တဒ်သိးလိာ်သး (Cultural and
Linguistic Diversity, CALD) Strategy 2024–2028 (the Strategy) န့ၣ်လီၤ.
တၢ်ပာ်ဖှိၣ်ဒုးကဲထီၣ်အခီပညီမ့ၢ်၀ဲပမၤသကိးတၢ်ဒီးမၤလိန့ၢ်တၢ်လၢပှၤပၣ်ဃုာ်ပၣ်ဂီၢ်တဖၣ်,တံၤသကိးတဖၣ်,ပှၤကွၢ်ထွဲကဟုကယာ်တဖၣ်,NDIS အပှၤမၤတၢ်ဖိဒီးသးနီၢ်ခိက့ၢ်ဂီၤတလၢတပှဲၤတဆူၣ်တချ့အပှၤတ၀ၢန့ၣ်လီၤ.
ပပာ်ဖှိၣ်ဒုးကဲထီၣ် Strategy ဃုာ်ဒီး ပှၤအဂၤ ၈၀၀ လၢအအိၣ်ဟဲလၢ CALD အတၢ်အိၣ်သးလၢညါန့ၣ်သ့လီၤ.
တၢ်အံၤမ့ၢ်ပတၢ်ဟ့ၣ်လီၤသးမၤတၢ်လၢတၢ်ကမၤဂ့ၤထီၣ်၀ဲဒၣ် NDIS မ့ၢ်ဒ်သိးပတုၤထီၣ်လုၢ်လၢ်ဒီးကျိာ်အတၢ်လိၣ်ဘၣ်တဖၣ်လၢပှၤပၣ်ဃုာ်ပၣ်ဂီၢ်တၢ်ခဲလၢာ်ကသ့အဂီၢ်န့ၣ်လီၤ.
လၢတၢ်ကဟ့ၣ်လီၤ Strategy, ပမၤကဲထီၣ်ဒီးမၤအိၣ်ထီၣ်သကိး၀ဲဒၣ် Action Plan န့ၣ်လီၤ.
အရဲၣ်လီၤတၢ်မၤအပတီၢ်လၢတဒ်သိးလၢပလိၣ်ဘၣ်အီၤလၢတၢ်ကမၤကဲထီၣ် Strategy န့ၣ်လီၤ. တၢ်ဖံးတၢ်မၤအိၣ်၀ဲဒၣ် ၂၈ သီလၢတၢ်ကမၤ၀ံၤအီၤန့ၣ်လီၤ.
ထုးန့ၢ် CALD Strategy တၢ်ဂ့ၢ်ကွဲးဖှိၣ်-
ထုးန့ၢ် CALD Strategy ဒီး Action Plan Easy Read-
- Easy Read CALD Strategy (PDF 3.2MB)
- Easy Read CALD Strategy (DOCX 12.4MB)
- Easy Read CALD Action Plan (PDF 4.4MB)
- Easy Read CALD Action Plan (DOCX 13.5MB)
ထုးန့ၢ် CALD Strategy ဒီး Action Plan-
